brimiseter_05

Brimi sæter

Bare enda et WordPress-nettsted

Neste

Historia

Å ta med seg dyra på fjellbeite sommarstid har vore ein viktig del av norsk landbruk i fleire hundreår, og seterdrift er ein viktig del av den norske kulturarven. Brimi sæter har vore i tradisjonell drift så lenge folk kan hugse.

Steinalder

Kor lenge det har vore liv på Brimi sæter er vi ikkje heilt sikre på. Det er funne buplassar frå steinalderen fleire stadar rundt Tesse-vatnet, som i all tid har vore sett på som eit spesielt godt fiskevatn. Naturen har gjennom fleire tusen år lagt til rette for at folk kunne leve her.

DSC_0303

Brimi sæter

Å ta med seg dyra på fjellbeite sommarstid har vore ein viktig del av norsk landbruk i fleire hundreår, og seterdrift er ein viktig del av den norske kulturarven. Brimi sæter har vore i tradisjonell drift så lenge folk kan hugse.

Huset vi kallar gamle seterstugu er truleg frå 15–1600-talet og har gjennom tida husa både budeier, tenestefolk, hulder og tussefolk.

Vi bur her frå slutten av juni til slutten av september kvar sommar. Vi mjølkar kyrne to gonger om dagen og foredlar mjølka sjølv, nett som i generasjonane før oss.

Seterlivet

Livet på setra har endra seg mykje gjennom historia. Før mjølkebilen kom inn i landbruket, vart all mjølk foredla på setrane. Det vart laga smør og surmjølksostar, som pultost og gamalost, heilt til brunosten kom for fullt på slutten av 1800-talet. Kvite lagringsostar vart mest laga til eige bruk. Desse tok ein gjerne med heim på garden og åt av gjennom vinteren. Det var vanleg å lagre kvitosten i kornbøla. Der heldt osten seg godt.

DSC_0228

Inspirasjon og førebilete Embjørg Brimi og bestefar Hans W.

Embjørg (85) har vore budeie ved Tesse-vatnet nesten heile livet sitt. Embjørg tok opp at den gamle tradisjonen med separering og ysting på Brimi sæter for ca 25 år sidan. Ho har lært oss mykje om dei gamle produkta som vart laga på setra og vore ein viktig mentor for oss.

318811_422411714476952_188775588_n

Embjørg fekk Kongens fortjenestemedalje i 2006 for arbeidet som budeie gjennom eit langt liv. Ho er framleis innom setra nokre gonger i løpet av sommaren og ser etter at alt er som det skal.

Det var bestefar Hans W som tok initiativ til å vise fram setra og livet på setra til turistar og gjester. Hans fortalte gjestene om å vere gjetargut, om det viktige arbeidet budeia gjorde for garden – og om huldra. Vi såg at dei gripande historiene, i kombinasjon med feleslåttar, gjorde inntrykk på både yngre og eldre.
Dette har vi prøvd å ta tak i og utvikle vidare, og bestefar Hans er eit stort førebilete og framleis til stor inspirasjon for oss.

Les meir om felespelar og bestafar Hans W. Brimi her.

 

Meld deg på nyheitsbrevet vårt

Likar du vaflane våre?

Skriv inn fornamn og e-post, så sender vi oppskrifta til deg.

Frå gjesteboka

  • Fantastisk matopplevelse! Har spist oss «stinne» på fantastisk god mat! «Skråppå tå» var imponerende. Vi ønsker dere alle lykke til videre med dette flotte stedet! Dette skal anbefales, og vi kommer tilbake!

    Marit, Bergen
  • Her finner vi ro – med dyrene, stillheten, vakker natur og et vertskap som er gjestfrie og tar imot oss med varme og lun humor. Etter utmerket overnatting på låven og en lang og god frokost ute i nydelig sommervær, er vi klare til å reise hjem.

    Anne og Per, Trøndelag
  • Det var et lite eventyr å få sove her i briskene på låven. Og "Skråppå tå"-menyen var helt nydelig. Et supert sted for barn. Nå er det i hvert fall to bybarn mindre, som tror at melken kommer fra kartongene. Takk for oss!

    Familie, Oslo